ક્યાં છે ઈશ્વર? એકને બત્રીસા પકવાન અને બીજાને પેટની આગ ઠારવા માટે એઠવાડ…

સંસારમાં શીલવાનને જ સંતાપ હોય છે. સુવર્ણના પાત્રને કસોટીના કાળા પથ્થર સાથે ઘસાવાનું હોય છે, ને પિત્તળને કોઈ પરીક્ષાર્થીના દ્વારે જવાનું હોતું જ નથી. સંસારના ફૂલબાગમાં ૨મતી ઍની પાંચ વર્ષની થઈ, ત્યાં એના પિતાને ક્ષયરોગે ઘેરી લીધા. ઘણા પ્રયત્નો કર્યા, પણ એ ઘેરામાંથી બહાર નીકળી ન શક્યા. અવસાન સમયે ઍનીને પાસે બોલાવી, ઍનીની ઢીંગલીને ચૂમી... Continue Reading →

દુનિયાની સૌથી મૂલ્યવાન સંપત્તિ એવા સંતોષનો હું માલિક છું !

જર્મનીમાં બોસ્લો નામના શહેરમાં એક ગરીબ ખેડૂત વસતો હતો. ખેતી કરે, પણ આવક ઓછી, ધરતીમાંથી અનાજ ઉગાડે, પણ ખુદ ભૂખ્યો રહે. માંડ માંડ કુટુંબનું પૂરું કરે. જિંદગી આખી આજીવિકાની મથામણમાં વીતતી હતી. આવી કફોડી સ્થિતિમાં ગ્રહણ ટાણે સાપ નીકળે તેમ એને ત્યાં એક બેડોળ અને અપંગ બાળકનો જન્મ થયો. જન્મથી જ આ બાળકની પીઠ પર... Continue Reading →

અત્યાચારીઓનાં જુલમ સામે કદી નમે નહીં તેનું નામ નાવી પિલ્લે!

જ્યાં અન્યાય એ જ ન્યાય મનાય છે, જ્યાં સ્ત્રી એ ધિક્કાર, તિરસ્કાર અને બળાત્કારનું પાત્ર ગણાય છે, જ્યાં તમારી જાતિ એ તમારા જીવન કે મૃત્યુનો પરવાનો બને છે, જ્યાં સત્તાની જોહુકમી એ આજ્ઞાપાલનનો આદેશ મનાય છે, જ્યાં નરસંહાર એ સત્તાના સર્જન માટે અનિવાર્ય લેખાય છે એવી ભેદભાવભરી ભયાનક પરિસ્થિતિની વચ્ચે નાવી પિલ્લુએ આપેલી લડત એક... Continue Reading →

હિંસા અને હત્યાના અંધકાર વચ્ચે સ્વમાની જીવનની આશા આપતો દીપક

છેલ્લાં ત્રણ વર્ષમાં ૨૦૨૩ના મે મહિનાથી ભારતના મણિપુર રાજ્યમાં સતત બે સમુદાય વચ્ચેની હિંસા, હત્યા અને જુલમની આગ વધુને વધુ પ્રસરી રહી છે. મુખ્યત્વે તો મણિપુરના મૈતેઈ અને કુકી બે સમુદાય વચ્ચે સંઘર્ષની શરૂઆત થઈ. હવે આ બંનેની સાથે નાગા સમુદાયો પણ સામેલ થયા છે. એક બાજુ ૨૦૨૭ના ફેબ્રુઆરી-માર્ચની વિધાનસભાની ચૂંટણીઓનાં પડઘમ વાગે છે અને... Continue Reading →

અમેરિકાના અખબારો શ્રી વીરચંદ ગાંધીની પ્રતિભા પર વારી ગયા ! ભારતીય સંસ્કૃતિના જ્યોતિર્ધર શ્રી વીરચંદ ગાંધી

વિશ્વધર્મ પરિષદમાં ૨૯ વર્ષના વીરચંદ રાઘવજી ગાંધીએ એક નવો ઇતિહાસ સર્જી દીધો. જૈનદર્શનનાં એમના પ્રવચનોએ એક નવી જાગૃતિ આણી અને ભારતીય વિદ્યાની વાત કરીને એક નવો પ્રકાશ ફેલાવ્યો. એમની જ્ઞાનમય પ્રતિભા પર વિશ્વધર્મ પરિષદનાં આયોજકો પણ વારી ગયા અને હવે નજર કરીએ એમના વિશ્વધર્મ પરિષદનાં કાર્યનો અખબારી જગત પર કેવો પ્રભાવ પડયો. અમેરિકાના સામયિક 'એડિટર્સ... Continue Reading →

આ ભવની સાથે પરભવની ચિંતા કર! .

જીવનમાં ક્વચિત્ કોઈ અવર્ણનીય ઘટનાનું સર્જન થતું હોય છે. આપણે કલ્પના પણ કરી ન હોય એવી ધન્યતાનો પારાવાર અનુભવ થતો હોય છે અને આવી એક ધન્યતાનો અનુભવ જૈન ધર્મના શ્રી પાનસર જૈન તીર્થમાં 'શ્રી ચંદ્ર સાધનાકક્ષ'ના ઉદ્ઘાટન પ્રસંગે અનુભવ્યો. કોઈ એક કાવ્યસર્જનની સ્મૃતિમાં એક સાધનાકક્ષ સર્જાય અને તે પણ એક મહિમાવંતા તીર્થમાં, એ કેવી વિરલ... Continue Reading →

મૃત માતાને જીવતી કરવા ગાંધીજીને અમેરિકા આવવાનું કહ્યું

જે દેશમાં માનવી સહજ રીતે જ 'ભગવાન' બની શકે છે, તે દેશમાં માનવી તરીકે રહેવું અને પોતે સામાન્ય માનવી છે એમ કહેવું અતિ મુશ્કેલ છે! પ્રજા એમના પર ભીતરની શ્રદ્ધા ઢોળવા આતુર હોય અને આવી ભોળી પ્રજાને એમ કરતાં અટકાવવી, તે અતિ દુષ્કર કાર્ય છે! એમાંય જનસમૂહ જેમના જીવનમાંથી સતત પ્રેરણા લેતા હોય, જેમનાં નામ... Continue Reading →

કારાવાસની કાળી કોટડી જોશુઆ વોંગની ઉજળી આશાને રુંધી શકતી નથી

ઇતિહાસ પોતાનું પડખું ફે૨વતો હતો અને હોંગકોંગ પર ચીનના આધિપત્યની સ્થાપનાનો એ દિવસ હતો. ૧૯૯૭ની પહેલી જુલાઈએ નાનકડો હોંગકોંગ ટાપુ 'સેલિબ્રેશન'ના ચમકતા અક્ષરોવાળી નિયોન લાઈટથી ઝગમગતો હતો. ચીન પર પ્રભુત્વ ધરાવનારા પીપલ્સ લિબરેશન આર્મીના બેન્ડની કર્ણપ્રિય મધુર સુરાવલીઓ વાતાવરણમાં ગૂંજતી હતી. હૉંગકૉંગ બ્રિટીશ સામ્રાજ્યમાંથી મુક્ત થતું હતું અને ચીન સાથે જોડાતું હતું. એક બાજુ બ્રિટન... Continue Reading →

અરે ! હું તો મિત્રવિહોણા માનવીઓનો પરમ મિત્ર છું…

આગામી ૩૧મી ઓક્ટોબરે સરદાર વલ્લભભાઈ પટેલની જન્મજયંતી છે, ત્યારે સરદારનું સ્મરણ જાગે છે. સરદાર વલ્લભભાઈ પટેલે એક સભામાં કહ્યું છે કે મારા જીવનનું મુખ્ય ધ્યેય દેશસેવા છે અને એ દેશસેવાને ખાતર વારંવાર જન્મ લેવાનું પસંદ કરીશ. સરદારના વિરોધીઓએ એમને અતડા, કઠોર અને કુટિલ રાજકીય દાવપેચ અજમાવનારા બતાવ્યા હતા. હકીકતમાં સરદારનું વ્યક્તિત્વ દેશહિત પરત્વે વજ્ર જેવું... Continue Reading →

વ્યાધિ એ ઉપાધિ નહીં, પણ અમૂલ્ય અવસર છે !

માતા-પિતા એ સંતાનને જન્મ આપે છે. એ શિશુ દેહને જન્મ જ આપતા નથી, પરંતુ એના ભીતરમાં રહેલી અનેકવિધ સુષુપ્ત શક્તિઓને 'જન્મ આપવાનો' પ્રચંડ પડકાર ઝીલીને પ્રબળ પુરુષાર્થ કરે છે. માતા- પિતાની દ્રષ્ટિ જ સંતાનની સૃષ્ટિને ઘડતી હોય છે. એ સંતાનને માતા- પિતાની ઉપેક્ષા મળે તો એ શતદલ કમળ ખીલતા પહેલાં મુરઝાઈ જાય છે અને જો... Continue Reading →

વિજ્ઞાન અને અધ્યાત્મનું એવરેસ્ટ એટલે આલ્બર્ટ આઇન્સ્ટાઇન

અ મેરિકાના પ્રિન્સ્ટન શહેરમાં એક પછી એક શેરી પસાર કરીને આગળ વધતા એક જગાએ કવિ-મિત્ર શ્રી ચંદ્રકાન્ત દેસાઈએ મોટર થોભાવી અને કહ્યું, 'આ સામે દેખાય છે તે મહાન વિજ્ઞાની આલ્બર્ટ આઇન્સ્ટાઇનનું ઘર.' એને જોતાં જ પરમ આશ્ચર્ય થયું. જો તમે એ ઘ૨નો જૂનો, પુરાણો થઈ ગયેલો ઘર નંબર જાણતા ન હો, તો ક્યારેય જાણી શકો... Continue Reading →

સત્તાલોલુપ મહાનાયકોની કરુણાંતિકા !

સવાલ એ જાગે કે જગતવિજેતા એ જીવનવિજેતા હોય છે ખરા? પોતાની સત્તા, સામર્થ્ય અને આતંકથી આખી દુનિયાને ઘમરોળનારા સરમુખત્યારોનો અંત કેવો હોય છે? અનેક દેશોને પરાજિત કરનાર અંતે કેમ પરાજિત થતા હોય છે. આજે ઈરાન પર ઈઝરાયેલ અને અમેરિકાએ કરેલા હુમલાઓથી સમગ્ર જગતની આર્થિક, સામાજિક અને રાજકીય પરિસ્થિતિ ડામાડોળ બની રહી છે, ત્યારે સવાલ એ... Continue Reading →

ઓહ ! આ ઉમદા માનવી અને કુશળ વિજ્ઞાની એક પાદરીનું ઘર માગે છે !

આપણે સુંદર, પ્રસન્નતાથી પરિપૂર્ણ, શાંતિમય અને સુરક્ષિત સમાજનું નિર્માણ કરવાને ઇચ્છીએ છીએ. આવા સમાજનું નિર્માણ કઈ રીતે થઈ શકે? એને માટે કેવું પર્યાવરણ હોવું જોઈએ? 'જે વ્યક્તિ ઘોંઘાટ દરમિયાન પણ સંગીત સાંભળીને માણી શકે છે, તેને તેના કાર્યનો બદલો મળી રહે છે.' પ્રતિભાવંત વિજ્ઞાની વિક્રમ સારાભાઈની આ પ્રિય ઉક્તિ હતી. તેઓ કહેતા કે, 'લક્ષ્યવેધ માટે... Continue Reading →

‘જરાવા’ના ડોક્ટરે આખી જનજાતિને જીવલેણ રોગમાંથી ઉગારી લીધી

'બહુરત્ના વસુંધરા' જેવી આ દુનિયામાં ક્યાં ક્યાં, કેવાં રત્નો ઝળકી રહ્યાં છે! માનવસેવાની સૌથી વધુ તક તો તબીબી વ્યવસાયમાં મળે, પરંતુ કેટલાંક એવાય તબીબો છે કે જે માનવસેવા ઉપરાંત પારાવાર મુશ્કેલીઓ સહન કરીને વનવાસી, આદિવાસી પ્રજાનો વિશ્વાસ મેળવે છે અને પછી એ વિશ્વાસના પાયા પર માનવતાની પ્રેરણાદાયી ઇમારત રચે છે. ૧૯૫૪ની ચોથી મેએ પશ્ચિમ બંગાળમાં... Continue Reading →

જેનું કોઈ નથી, એના તમે થાઓ

બાળપણનું મીઠું સ્વર્ગ એટલે લાડકોડ માણવા મળતું મોસાળ. કોઈ પણ ઉંમરે મોસાળની એ સ્મૃતિઓ ઘરડી થતી નથી. હજી આજેય મન વારંવાર મારા મોસાળ રાણપુર ભણી દોરી જાય છે. મોસાળની અનેરી મોહિનીનો અનુભવ સદાય થતો રહે છે. આ રાણપુરમાં બાળપણમાં બેસીને કલ્પના કરતો કે સમગ્ર ભારતનાં રજવાડાં સામે બાથ ભીડનાર એક જમાનામાં સૌરાષ્ટ્ર કાર્યાલય ખડું હતું.... Continue Reading →

સમ્રાટ શાહજહાંને થાપ આપનારી ઝવેરીવાડની પોળો !

જમાનાની રફતાર કેવી બદલાય છે! એક વાર અમદાવાદની પોળ રચનાએ ખુદ મુઘલ બાદશાહ શાહજહાંના સૈનિકોને પરાસ્ત કર્યા હતા. વાત છે ઈ. સ. ૧૭૨૭ની જ્યારે શહેનશાહ અકબરના દરબારમાં માનપાન પામેલા અને જહાંગીર જેને 'મામા'ના નામથી બોલાવતો હતો એવા અમદાવાદના શાંતિદાસ ઝવેરીની સંપત્તિને લૂંટવા માટે મુઘલ સમ્રાટ શાહજહાંના સૈનિકો ઝવેરીવાડમાં આવ્યા. શાંતિદાસ ઝવેરીએ ધન અને ઝવેરાત ભીંત... Continue Reading →

પડકાર પર વિજય મેળવનાર જ પથદર્શક બની શકે

એક સાથે એકસો વાર પડી જવા છતાં ઊભો થઈને આગળ ચાલું છું  'તમે એક વાર પડી જાવ તો કોઈ તમારો હાથ પકડીને તમને ઊભા કરે છે. થોડા વખત પછી કદાચ એવું બને કે તમે બીજી વાર પડી જાવ અને કોઈ તમારો હાથ પકડીને તમને બીજી વાર ઊભા કરે, પરંતુ મારા જીવનમાં તો એવું બન્યું છે... Continue Reading →

શું ચૂડીઓમાં જ સૌભાગ્ય વસે છે ?

સર્વવ્યાપી ઈશ્વરને ઘરેણાંનાં બંધનમાં કેમ રાખો છો ?  કોઈ પારસમણિનો સ્પર્શ થાય અને પરિસ્થિતિ કેવી બદલાઈ જાય? મહાત્મા ગાંધીજીના જીવન અને ઉપદેશે કેટકેટલી વ્યક્તિઓનાં જીવનમાં પરિવર્તન આણ્યું. એવા એક પરિવર્તનની આ ઘટના છે અને એ ઘટના છે મહાત્મા ગાંધીજીના અંતેવાસી અને ઉદ્યોગપતિ જમનાલાલ બજાજ અને એમના પત્ની જાનકીદેવી બજાજની.  મધ્યપ્રદેશના વૈષ્ણવ મારવાડી કુટુંબના જાનકીદેવીનાં લગ્ન... Continue Reading →

બીજાના પ્રાણ બચાવવા માટે હું મારો પ્રાણ આપવા તૈયાર છું …

ઘોર હિંસા, કારમી ગરીબી, જીવલેણ બીમારી અને નિરંકુશ અનાચાર વચ્ચે વહી એક અપ્રતિમ કરુણાની ધારા  તારાઓ એ આકાશની કવિતા છે, તો તાઈ મા એ ધરતી પરની કરુણા છે.  પૂજ્ય શ્રી તાઈ માને નામે જાણીતાં આચાર્યશ્રી ચંદનાજીએ જગતને અહિંસા, સેવા અને કરુણાનો વિરલ પથ બતાવીને ૨૨મી એપ્રિલે સમાધિ લીધી, પરંતુ એમના કાર્યને એ આજની, આવતીકાલની અને... Continue Reading →

તમે ભલે રાષ્ટ્રપિતા હો, પણ અમારા પિતા નથી જ…

મહાત્મા ગાંધીજીના પુત્ર હરિલાલ અને નેલ્સન મંડેલાની પુત્રી માકી રાષ્ટ્રની ચેતના જગાવનાર મહાપુરુષોને જીવનના અંતિમ સમયે ક્યાં તો કલંકિત વિખવાદો ઘેરી વળે છે અથવા તો કોઈ ઝનૂનીની ગોળી એમનો પ્રાણ હરે છે.  દક્ષિણ આફ્રિકાના નેતા અને અશ્વેત પ્રજાના તારણહાર ગણાતા નેલ્સન મંડેલા ૨૦૧૩માં હોસ્પિટલમાં કથળેલા સ્વાસ્થ્ય સાથે શ્વાસ લેતા હતા, ત્યારે જાહેરમાં એમના કુટુંબીજનોનાં કૌભાંડો... Continue Reading →

Proudly powered by WordPress | Theme: Baskerville 2 by Anders Noren.

Up ↑